Horta de Coira

Vota a andar a "Horta de Coira", un grupo de cultivo da AGHU no Milladoiro. David, socio da AGHU, pon a disposición de todo o que queira unha parcela de 700m2 propiedade da súa familia, para poder cultivar nela.

O terreo está as aforas de Milladoiro, en Coira, preto do polígono Novo Milladoiro. E un sitio tranquilo, afastado e ten todo o necesario para cultivar. Composteiro, ferramentas, toma de auga de manantial, zona onde gardar as cousas, etc.

A organización será en bancales individuales, xa comezaron a facer os primeiros, pero non descartan poder ter cultivos comúns para cousas que necesitan máis terreo, como millo, patacas, etc.

Si estás interesado/a en participar e ter a túa parceliña, mándanos un correo a info@hortaurbana.info

Xuntanza do Grupo Local de Ourense

Celebraremos a primeira xuntanza do Grupo Local de Horticultura Urbana de Ourense o:

Sábado 6 de Marzo as 11:00

O punto de reunión serán os soportales do concello, na praza maior, desde onde se poderá ir a algún local cercano a charlar tranquilamente e tomar un cafeciño.

Os puntos a tratar para esa reunión poderían ser os seguintes:

• Elexir un representante do grupo de cara a AGHU nas reunións que se fagan a nivel Galicia.
• Marcar primeiros obxetivos para conseguir un primeiro terreo para unha horta urbana piloto.
• Marcar un representante para as negociacións coa administración local.
• Compartir experiencias e coñecementos sobre horticultura en balcóns, terrazas e xardíns.

Unha vez o grupo esté máis organizado e se consiga un terreo, o seguinte paso será facer unhas xornadas para planificar, preparar o terreo, e dar uns primeiros cursiños de horticultura para todos os interesados.

Recordade que o rematar a reunión, o mediodía haberá un xantar con Concha de "Casa Alongos" que ensinará o grupo a horta que quere ceder para uso por parte da asociación situada a 9 Km de Ourense. Para máis información sobre o xantar podedes entrar en contacto no foro con María Ogando.

Formación do grupo local de Ourense

Trala charla de hoxe organizada por "Amigos da Terra" nas xornadas de Agroecoloxía de Ourense, recollemos unha lista de interesados en formar o primeiro grupo local de horticultura urbana de Ourense.

Cun total de nove persoas, o grupo ten xa o tamaño suficiente e a xente adecuada para comezar a camiñar, e por iso que en breve tentaremos facer unha primeira reunión del en Ourense para presentar e organizar os seus membros.

Os primeiros obxectivos deberían ser unha planificación interna e un primeiro estudo das posibilidades que temos na cidade para emprazar, pedir ou presentar proxecto para a instalación dunha primeira horta urbana.

Todo parece indicar que podemos ter apoio e implicación por parte da administración local a hora de levar adiante o proxecto. E máis, o parecer polo que nos explicaron, o concello ten plans de arrancar iniciativas de hortas urbanas na cidade, polo que esperamos poder colaborar mutuamente a hora de organizalas e levar os proxectos adiante. De todas formas isto irase vendo pouco a pouco e falarase nas reunións do grupo de Ourense.

A todos os anotados, animámosvos a participar do noso foro para que vos poidades ir coñecendo entre vos.