A AGHU expoñerá un breve presentación titulada "Horticultura urbana en Galicia, orixes, valores e situación actual." no III Congreso de Agroecoloxía da Universidade de vigo o Xoves 24 as 12:30 no salón de actos. A presentación estará a cargo de Fátima Silva, coordinadora xeral da AGHU.
Universidade de Vigo
A necesidade de transformar o mundo rural, afastándoo das tendencias do abandono, é un obxectivo social de primeira orde. Conseguilo é unha tarefa colectiva na que participan políticos, científicos, campesiños, consumidores e as súas asociacións. No ámbito do III Congreso queremos discutir sobre o papel asignado á agricultura ecolóxica nese proceso. Producir alimentos e fibras para os mercados locais mediante sistemas produtivos que aproveiten os recursos locais (ambientais, humanos, culturais, económicos) convértese no elemento crítico do proceso de construción social dun novo mundo rural. Chamamos aos axentes sociais implicados á participación, definindo os problemas e propondo alternativas, co obxectivo de tecermos novas redes que permitan avanzar no camiño da soberanía alimentaria.
http://economiaecoloxica.uvigo.es/
Prezos de inscripción para as xornadas:
Cota ordinaria: 60 €
Estudantes e Desempregados: 30 €
0 comentarios:
Publicar un comentario